ERUPCIÓN VOLCÁNICA NA ILLA DE LA PALMA

 O pasado domingo 19 de Setembro entrou en erupción o volcán CUMBRE VIEJA na illa de LA PALMA en CANARIAS.

Tan só pasaron 5 días pero as consecuencias son xa devastadoras pois o avance das coladas de lava xa leva destruídas máis de 400 casas, case 6.000 persoas desaloxadas e o magma cubre xa máis de 200 hectáreas. Neste vídeo de EL PAÍS podemos ver como está transformando a illa nestes primeiros días.

Aquí temos un vídeo de RTVE que recolle as principais CONSECUENCIAS que xa está deixando aínda que de momento é moi cedo xa que a erupción pode durar días ou meses.

Pincha na imaxe

Nestas fotografías de EL PAÍS vemos os efectos e nunha delas tes un enlace a ese xornal onde temos unha galería impresionantes de imaxes

UN ANO MÁIS TARDE: tras 85 días de actividade volcánica, afectando a máis de 1.200 hectáreas, sepultou uns 3.000 edificios. Aquí un resumo das consecuencias:

ATENTADOS DO 11-S: 20º ANIVERSARIO

 Hoxe, 11 de Setembro de 2021, cúmprense 20 anos dos  ATENTADOS do 11-S que todos os anos lémbranse pero, nesta ocasión, de forma especial pois, ademais, coincide coa retirada hai unhas semanas de Afganistán poñendo fin a unha guerra que durou 20 anos.

VIDEO DOS ATENTADOS DE ·"EL PAÍS"

Foi un atentado múltiple con avións que se estrelaron dous deles contra as TORRES XEMELGAS en Nova York, un contra o PENTÁGONO en Washington e un cuarto avión nas aforas de Pensilvania despois de enfrontarse os pasaxeiros e a tripulación aos terroristas. Morreron unhas 2.977 persoas.

Eran pilotados por terroristas suicidas membros da banda AL-QAEDA co seu líder BIN LADEN que nese momento están en Afganistán sendo acollidos polo réxime dese país, os talibáns.

Comeza unha guerra contra AL-QAEDA que leva a unha coalición internacional liderada por Estados Unidos en Afganistán que supón a caída rápida dos talibáns e a morte ou detención de moitos dos membros menos do seu líder BIN LADEN que foi abatido en 2011 tras anos de búsqueda.

Foi unha guerra de 20 anos na que participaron ata 4 presidentes: GEORGE W. BUSH, BARACK OBAMA, DONALD TRUMP e JOE BIDEN.

Morreron uns 3.500 militares de distintos países da coalición internacional e uns 150.000 afganos e supuxo un investimento millonario de Estados Unidos nestes anos nunha guerra da que se retira tras asinar en 2020, Donald Trump, un acordo cos talibáns que supón o seu regreso ao país.