miércoles, 13 de diciembre de 2023
martes, 31 de octubre de 2023
A PRINCESA LEONOR XURA A CONSTITUCIÓN
O Martes 31 de Outubro a princesa Leonor cumpre 18 anos e xura a Constitución converténdose na futura raíña de España.
lunes, 30 de octubre de 2023
GUERRA ISRAEL-HAMÁS 2023
O Sábado 7 de Outubro un ataque terrorista de Hamás contra Israel desencadena unha nova guerra de Israel sobre os territorios de Palestina, neste caso sobre a Franxa de Gaza.
Aquí temos un enlace a unha entrada neste blog que explica a ocupación dos territorios palestinos na Guerra dos Seis Días de 1967:
https://socvedra.blogspot.com/2017/06/50-aniversario-ocupacion-de-palestina.html
E aquí outro enlace a outra entrada deste blog que explicaba a orixe deste conflito en 1948 coa creación do estado de Israel:
https://socvedra.blogspot.com/2018/05/70-anos-de-conflito-israel-palestina.html
lunes, 16 de octubre de 2023
VISITA A FERROL 4º ESO
O pasado Martes 10 de Outubro realizamos cos cursos de 4º unha viaxe ao "Ferrol da Ilustración" coas profesoras Lourdes e Mónica.
Nun espléndido día de sol e calor comezamos polo Arsenal, logo o Museo da Construción Naval (Exponav), un percorrido a pe polo Barrio da Magdalena e finalmente pola tarde a visita ao Castelo de San Filipe.
Nesta ocasión non puidemos subir a bordo dunha fragata F-100 por estar en labores de mantemento pero sí tivemos a sorte de ver un patrulleiro no interior do famoso Dique da Campá, dique seco que se atopa no interior do Arsenal sendo no s. XIX o maior do mundo e a maior obra hidráulica en España no s. XIX.
Pincha na imaxe |
miércoles, 24 de mayo de 2023
2023: ESPAÑA SUPERA OS 48 MILLÓNS DE PERSOAS
A inmigración permite a España superar os 48 millóns de habitantes sendo este o crecemento máis elevado desde o ano 2008.
viernes, 12 de mayo de 2023
EXCURSIÓN DE 2º A LUGO E SOBRADO
O pasado MÉRCORES 3 de MAIO os grupos de 2º da ESO, case 50 alumnos e alumnas acompañados por catro profesores, Lourdes, Pilar, Viaño e Mónica realizamos unha excursión a Lugo pola mañán e a Sobrado pola tarde.
Durante a mañán visitamos o Museo Provincial de Lugo onde percorremos as coleccións de orixe romano e tamén outras plantas sobre a Prehistoria e a cultura castrexa.
Logo divididos en 2 grupos estivemos no Centro de Interpretación da Muralla e tamén na Sala de Exposicións de Porta Miñá que nos permitiron completar máis os coñecementos da pegada romana na cidade e sobre a muralla. Esta a percorremos nun tramo dando un paseo por ela.
Despois de comer emprendemos viaxe cara a Sobrado para visitar o Mosteiro de Sobrado dos Monxes e admirar así un dos máis grandes mosteiros medievais que temos en Galicia visitando os seus Claustros, cociña, sala capitular e impoñente igrexa.
Aínda que pode crear moitas dúbidas realizar unha excursión tan lonxe con tantos alumnos e alumnas, debo dicir que o seu comportamento e actitude foi excelente no que coincidimos os catro profesores en felicitalos.
FOTOS SOBRADO |
martes, 2 de mayo de 2023
EXCURSIÓN DE 3º A SANTIAGO
Comezamos cun percorrido polo CENTRO HISTÓRICO nun espléndido día de sol que rematamos na Catedral. Alí tiñamos a visita ao PÓRTICO DA GLORIA, ao MUSEO e ao interior da CATEDRAL. Foi a primeira vez que volvía levar a un grupo ao Pórtico da Gloria despois de varios anos de restauración e de anos sen excursións pola covid.
FOTOS |
miércoles, 19 de abril de 2023
INDIA: O PAÍS MÁIS POBOADO DO MUNDO
Neste mes de abril, ten lugar un feito moi importante a nivel demográfico. China deixa de ser o país máis poboado do mundo superada por India. Isto é recollido no informe do Fondo da Poboación que elabora a ONU.
India alcanzaría uns 1.428 millóns de habitantes fronte a uns 1.426 millóns de China.
Aquí temos dous enlaces que recollen a noticia:
RTVE: INDIA SUPERA A CHINA
sábado, 8 de abril de 2023
50 ANOS DA MORTE DE PABLO PICASSO
O 8 de Abril de 1973 morre o artista Pablo Picasso en Mougins (Francia) con 91 anos.
Aquí temos un reportaxe sobre a vida e a obra do artista de RTVE que recolle os momentos máis importantes da súa vida, as cidades nas que vive, as obras máis importantes:
Tamén temos este enlace a un reportaxe de "El País Semanal" titulado:
viernes, 7 de abril de 2023
25 ANOS DOS ACORDOS DE VENRES SANTO
Hoxe lémbranse os 25 anos dunha data histórica para o conflito de Irlanda do Norte. Asináronse os chamados ACORDOS DE VENRES SANTO ou ACORDOS DE BELFAST.
Era un acordo asinado un 10 de abril de 1998 que caía en Venres Santo e poñía fin a 30 anos de violencia que deixaba uns 3.600 mortos.
miércoles, 29 de marzo de 2023
ISRAEL: ¿A SEPARACIÓN DE PODERES EN PERIGO?
Nas últimas semanas estanse producindo protestas en Israel que chegaron a un punto máximo o pasado LUNS 27 de MARZO.
Estas protestas son contra unha reforma xudicial que podería poñer en perigo a separación de poderes xa que restaría capacidade de actuación ao poder xudicial en favor do poder lexislativo no Parlamento.
Ante as protestas masivas deste luns e a posible convocatoria dunha folga xeral, o primeiro ministro Netanyahu paraliza de momento a reforma. Aquí un vídeo que o resume de EURONEWS
Neste artigo do xornal "El País" temos as claves que explican as protestas e a crise institucional que vive Israel
martes, 28 de marzo de 2023
FRANCIA: MANIFESTACIÓNS EN 2023
Nesta ocasión, o motivo das protestas foi a lei que subiría a idade de xubilación dos 62 aos 64 anos, pero este é un país cunha longa tradición de protestas na rúa.
Aquí temos nun vídeo unha análise dun xornalista en "El País" que explica moi ben como neste país as protestas teñen un valor diferente ao resto de Europa.
Xa no ano 2018 recollimos aquí a protesta dos CHALECOS AMARELOS
O pasado xoves 23 de Marzo o país estaba nunha folga xeral e unha das xornadas máis violentas nas protestas como se recolle neste vídeo de RTVE:
viernes, 24 de febrero de 2023
UCRANIA: 1 ANO DE GUERRA
Hoxe é 24 de Febreiro de 2023 e cúmprese 1 ano da invasión de Ucrania por Rusia.
Tras este primeiro ano de guerra, moitas cousas cambiaron nese país e tamén a nivel mundial.