GUERRA EN UCRANIA

 Esta madrugada do XOVES 24 de FEBREIRO de 2022 Rusia ataca a Ucrania invadindo o seu territorio desde o Leste, Norte e Sur do país.

Ucrania estaba en guerra civil desde 2014 coa división do país tras a rebelión das rexións do Leste, Donbás, prorrusas apoiadas polo réxime de Putin. Nese ano, Rusia anexionouse a Península de Crimea  que pertencía a Ucrania. 

Nas últimas semanas, Rusia estaba acumulando tropas nas fronteiras o que levaba a pensar nun ataque inminente. O luns 21 pola noite apoiou a independencia das rexións do Leste de Ucrania, Donetsk e Lugansk. 

Rusia estaba molesta co avance da OTAN cara ao Leste de Europa e advertía a Occidente que non toleraría a entrada nela de Ucrania; esta o tiña solicitado pero non forma parte dela. Nas últimas semanas intentouse manter negociacións coa Rusia de Putin que esixía volver a situación de 1991.

 

OS CAMBIOS NA CATEDRAL DE SANTIAGO

 Hoxe publícase no xornal "El País" un artigo que leva por título "LA CATEDRAL DE SANTIAGO SE DEVORÓ A SÍ MISMA" e nel podemos ver a explicación de como ao longo da historia fóronse facendo cambios moi importantes.

As obras de rehabilitación dos últimos anos están aflorando restos escultóricos descoñecidos e partes do desaparecido CORO PÉTREO do MESTRE MATEO que logo serían reutilizados como material de construción. Este coro pétreo e policromado estaba na nave central da Catedral formado por 72 sitiales e unha tribuna. Pero entre 1603 e 1604 foi desmontado por orde dos mandos da Catedral ao cambiar as modas e a liturxia.

Reconstrución do Coro Pétreo

A ORIXE DA CIDADE DE LEÓN

 Acaba de publicarse no xornal "El País" un artigo que recolle un estudo da Universidade Complutense de Madrid que reconstrúe o camapmento onde se asentou a LEGIO VII no ano 74 d.C. dando orixe á cidade de León.

Trátase dunha reconstrución en 3 dimensións que permite recrear como sería ese asentamento.

Neste artigo faise unha relación dos edificios que se atoparían como un cuartel, un anfiteatro, termas, vivendas, ...

Aquí deixamos o enlace á noticia e tamén unha imaxe na que vemos a área que ocuparía o asentamento romano superposta no actual León

ASÍ ERA LEÓN HACE 2.000 AÑOS

ISABEL II: 70 ANOS RAÍÑA DE INGLATERRA

 

Hoxe lémbrase a morte do rei Jorge VI en 1952 deixando no trono a súa filla Isabel con 25 anos. 

Será este ano 2022 o chamado XUBILEO de PLATINO no que celebrarán este aniversario con moitos actos que se concentrarán a comezos do mes de xuño.

Aquí temos un enlace ao xornal "El País" cunha galería de fotografías:

GALERÍA DE FOTOS

Aquí dous enlaces a noticias que teñen información do seu reinado:

EL PAÍS

RTVE