O pasado MARTES 15 de Novembro superouse a cifra de 8.000 millóns de persoas no mundo coas estimacións da ONU que o simbolizou co nacemento de Damián, un neno en Santo Domingo (República Dominicana).
lunes, 21 de noviembre de 2022
SOMOS 8.000 MILLÓNS DE HABITANTES
martes, 15 de noviembre de 2022
EXCURSIÓN DE 4º A SANTIAGO: 2022
O pasado XOVES 27 de OUTUBRO os alumnos e as alumnas de 4º fixeron unha excursión a Santiago acompañados polas profesoras de Inglés Begoña e Peregrina e a profesora de Historia, Mónica.
Tras 2 cursos sen excursións motivados pola situación provocada pola pandemia de covid, por fin, retomamos as nosas saídas e foi unha excursión moi especial. Non se puideron facer con eles nin en 2º nin en 3º e, por esa razón, aínda que non é a saída correspondente a 4º quixemos realizala para coñecer moitos dos lugares da nosa cidade.
Aproveito para lembrar aos alumnos e ás alumnas que nos últimos anos non puideron facer esta excursión a Santiago e cos que non tiven a oportunidade de percorrer con eles lugares tan especiais como o noso centro histórico, a Catedral, o Parlamento, ...
O día comezou cunha visita guiada ao Parlamento de Galicia, máis tarde comezou o noso percorrido polo centro histórico que rematou na Catedral visitando o seu interior; xa pola tarde, explicamos as catro prazas impoñentes que a rodean e rematamos coa visita ao Museo do Pobo Galego.
Aquí quedan algunhas das fotos deste día:
FOTOS |
martes, 18 de octubre de 2022
MUSEO GUGGENHEIM BILBAO
En 1997 fai hoxe xusto 25 anos inaugurábase en Bilbao o Museo Guggenheim feito polo arquitecto Frank Gehry cun edificio feito con placas de titanio e un deseño que non deixa a ninguén indiferente.
jueves, 8 de septiembre de 2022
MORRE A RAÍÑA ISABEL II: 70 ANOS NO TRONO
Hoxe faleceu a raíña inglesa Isabel II con 96 anos, neste ano conmemoránrose os 70 anos do seu reinado.
Temos neste blog unha entrada no mes de febreiro no que comentamos o que supoñía ese reinado tan longo:
ISABEL II: 70 ANOS RAÍÑA DE INGLATERRA
Agora, será o novo rei o seu fillo Carlos que reinará co nome de CARLOS III aos seus 73 anos. Nesta foto vemos as 4 xeraciñons da familia real.
A PRIMEIRA VOLTA AO MUNDO 1519-1522: V CENTENARIO
Nestes días lembramos os 500 anos da viaxe de Fernando de Magallanes e Juan Sebastián Elcano. Case 250 homes, 5 naves e 3 anos de viaxe que van supoñera primeira volta ao mundo e a demostración de que a Terra era redonda.
Elcano e Magallanes |
miércoles, 24 de agosto de 2022
UCRAÍNA: 6 MESES DE GUERRA
lunes, 18 de julio de 2022
CUMIO DA OTAN XUÑO 2022
No mes de xuño tivo lugar en Madrid o CUMIO da OTAN e neste vídeo do xornal "El País" podemos entender as claves desta reunión: os protagonistas e os temas que se ían tratar nela:
RECONFIGURACIÓN DA ORDE MUNDIAL
A guerra que trouxo a invasión de Ucraína por Rusia trae cambios na orde mundial que poden verse nas reunións que se produciron en Xuño en apenas unha semana:
Neste artigo do xornal "El País" vemos con varios gráficos como se está formando unha perigosa tendencia polarizadora. Esta tendencia xa se viña fraguando desde hai tempo polas tensións entre Occidente e China. ´
El mundo se hunde en una espiral conflictiva. Balance de fuerzas
Agora as democracias occidentais cos seus aliados asiáticos se posicionan nas reunións do G-7, a UE e a OTAN fronte a Rusia e China que buscan atraer a outros países no cumio dos BRICS.
lunes, 16 de mayo de 2022
UNHA "MARILYN" DE ANDY WARHOL, O CADRO DO S.XX MÁIS CARO DA HISTORIA
martes, 15 de marzo de 2022
20 DÍAS DE GUERRA EN UCRAÍNA
Tras 20 días de guerra coa invasión de RUSIA en UCRAÍNA desde o xoves 24 de Febreiro, contabilízanse xa máis de 3 MILLÓNS de REFUXIADOS. Trátase dun éxodo tan rápido que non ten precedentes desde a 2ª Guerra Mundial según o reconto da ONU.
Paso fronteirizo con Polonia |
jueves, 24 de febrero de 2022
GUERRA EN UCRANIA
Esta madrugada do XOVES 24 de FEBREIRO de 2022 Rusia ataca a Ucrania invadindo o seu territorio desde o Leste, Norte e Sur do país.
Ucrania estaba en guerra civil desde 2014 coa división do país tras a rebelión das rexións do Leste, Donbás, prorrusas apoiadas polo réxime de Putin. Nese ano, Rusia anexionouse a Península de Crimea que pertencía a Ucrania.
Nas últimas semanas, Rusia estaba acumulando tropas nas fronteiras o que levaba a pensar nun ataque inminente. O luns 21 pola noite apoiou a independencia das rexións do Leste de Ucrania, Donetsk e Lugansk.
lunes, 21 de febrero de 2022
OS CAMBIOS NA CATEDRAL DE SANTIAGO
Hoxe publícase no xornal "El País" un artigo que leva por título "LA CATEDRAL DE SANTIAGO SE DEVORÓ A SÍ MISMA" e nel podemos ver a explicación de como ao longo da historia fóronse facendo cambios moi importantes.
As obras de rehabilitación dos últimos anos están aflorando restos escultóricos descoñecidos e partes do desaparecido CORO PÉTREO do MESTRE MATEO que logo serían reutilizados como material de construción. Este coro pétreo e policromado estaba na nave central da Catedral formado por 72 sitiales e unha tribuna. Pero entre 1603 e 1604 foi desmontado por orde dos mandos da Catedral ao cambiar as modas e a liturxia.
Reconstrución do Coro Pétreo |
A ORIXE DA CIDADE DE LEÓN
Acaba de publicarse no xornal "El País" un artigo que recolle un estudo da Universidade Complutense de Madrid que reconstrúe o camapmento onde se asentou a LEGIO VII no ano 74 d.C. dando orixe á cidade de León.
Trátase dunha reconstrución en 3 dimensións que permite recrear como sería ese asentamento.
domingo, 6 de febrero de 2022
ISABEL II: 70 ANOS RAÍÑA DE INGLATERRA
Aquí dous enlaces a noticias que teñen información do seu reinado: